തൂവാല

 വാർഷിക പരീക്ഷക്കുള്ള തയ്യാറെടുപ്പുകൾക്ക് 
ഒടുവിലൊരു ദിവസം.
സന്ധ്യയോടടുക്കും സമയത്ത്,

 ഹോസ്റ്റൽ കവാടങ്ങൾ അടക്കാൻ നേരമായപ്പോൾ
അവർ എഴുന്നേറ്റു.

നിവർത്തിപ്പിടിച്ച 
നോട്ടുപുസ്തകം മടക്കി ചുരുട്ടി കൈവെള്ളയിലൊതുക്കി 

പിരിഞ്ഞുപോകാനുള്ള 
വഴിവക്കിലെത്തിയപ്പോൾ 
അവൾ ഒന്നു മുരണ്ടു;
പിന്നെ ഇടറി വിറച്ചൊരു ചോദ്യം പുറത്തേക്ക് ചാടി: 

'ആ തൂവാല എനിക്ക് തരുമോ? 
നിൻറെ ഗന്ധത്തിൻറെ അടരുകളിൽ
 എൻറെ തലച്ചോറും സ്വപ്നങ്ങളും  

പൊതിഞ്ഞു വെച്ചോട്ടെ'.